Mwanamuziki wa Bongo Fleva, Nay wa Mitego amekamatwa na polisi leo akiwa mkoani Morogoro alipokuwa amekwenda kufanya show mkoani humo.

Nay wa Mitego amethibitisha kukamatwa kwake baada ya kupost ujumbe kupitia ukurasa wake wa Instgram

Kupitia akaunti yake Instagram Nay ameandika “Nimekamatwa kweli. Muda Huu nikiwa hotel Morogoro baada ya kumaliza Kazi yangu iliyo ni leta. Napelekwa Mvomelo Police. Nawapenda Watanzania wote.”

Mpaka sasa bado haijafahamika sababu ya msanii huyo kukamatwa na polisi ingawa baadhi ya watu wanahusisha kukamatwa kwake kutokana na wimbo wake mpya unaofahamika kwa jina la ‘Wapo’ ambao umezungumzia mambo mengi ambayo yanatokea nchini kwa sasa.