Wanamuziki wa Bongo Fleva, Nandy na Zuchu ni miongoni mwa wasanii wa kike Afrika waliochaguliwa kuwania tuzo za AEAUSA zitakazofanyika nchini Marekani mwishoni mwa mwaka huu.

Nandy na Zuchu wameingia kwenye kinyang’anyiro cha Tuzo za AEAUSA katika Kipengele cha Msanii Bora wa Kike Afrika ambapo wana kibarua cha kupambana na Wanigeria.

Nandy na Zuchu kwenye kipengele hicho wanachuana na wakali wengine kutoka mataifa tofauti lakini zaidi ni Nigeria kama Tiwa Savege, Yemi Alade, Teni, Simi Tems na wengine kutoka nchi nyingine kama Sherine wa Misri na Busiswa wa Afrika Kusini.

Wasanii wengine wa Tanzania waliochaguliwa kuwania tuzo hizo ni Alikiba, Diamond Platnumz na Harmonize ambao wamechaguliwa katika vipengele tofauti.