Mwanamuziki wa Bongo Fleva, Nandy yupo mbioni kuachia kolabo ya wimbo wake alioufanya na mwanamuziki kutoka nchini Congo Koffi Olomide baada ya kuposti picha ikiwaonesha wakifanya video ya wimbo huo mpya.

Nandy ameonesha dalili za kutaka kukata kiu ya walioisubiria kwa hamu kolabo ya wimbo wake mpya na Mwimbaji mkongwe, Koffi Olomide.

Kupitia akaunti yake ya Instagram Nandy aliwakaribisha wafatiliaji wapya kwenye YouTube channel yake, kisha ikafuata post ya picha yake mpya akiwa na Koffi Olomide.

Picha hiyo ilionekana kama ni kutoka katika moja ya hatua za uandaaji wa video ya wimbo wao kwakuwa katika maelezo Nandy aliambatanisha jina la wimbo huo ujao, Leo.

Hata hivyo kwa hatua hizo za Nandy kupitia ukurasa wake huo, ni dalili za kuwa yuko mbioni kuachia ujio wa kolabo ya wimbo wake na mkongwe huyo raia wa DR Congo.