Mwanamuziki wa Bongo Fleva, Nandy ameweka wazi kuwa wimbo wake huo mpya ambao umekuwa ukifanya vizuri kwa sasa, ameandikiwa na Lody Music.

Wimbo huo, Nandy kamshirikisha Oxlade wa Nigeria, huku prodyuza akiwa ni Kimambo ambaye amefanya kazi nyingi za msanii hiyo.

“Nimekuwa na bahati ya kuandikiwa mashairi na wasanii wenzangu na zikapokewa vizuri, najivunia hilo sio rahisi sana msanii mwenzako akakufanyia kazi nzuri kwasababu na yeye mwenyewe anahitaji kuwa bora,” alisema na kuongeza;

“Muziki wa sasa ni ushindani sokoni, ukiona msanii mwenzako anakufanyia kazi nzuri na inaleta changamoto kwenye soko ni mtu wa kumuheshimu sana ili aendelee kukufanyia mambo mazuri zaidi sio Lody Music pekee aliyenifanyia kazi nzuri wapo wengi nawashukuru na kuwaheshimu.”

Napona unapatikana kwenye Extended Playlist (EP) mpya ya Nandy, Maturity yenye nyimbo tano ambapo mmoja wapo kamshirikisha Lody Music.

Ukiachana na Lody Music, wasanii wengine ambao wamewahi kumuandika Nandy nyimbo na kufanya vizuri ni pamoja na Jay Melody na Marioo.