Mwenyekiti wa Umoja wa vijana wa Chama Cha Mapinduzi (UVCCM), Kheri James jana amekutana na kufanya mazungumzo na kamati ya utekelezaji ya mkoa wa Dar es Salaam pamoja na wajumbe wa baraza la vijana wilaya ya Kinondoni.

Pamoja na mambo mengine mwenyekiti amesisitiza kuwa nguvu ya vijana wa CCM itumike vizuri katika kuhakikisha inashinda uchaguzi mdogo ujao wa jimbo la Kinondoni.

Wakati huo huo mwenyekiti huyo amekutana na kufanya mazungumzo na viongozi wa seneti ya Vyuo vikuu vilivyopo mkoa wa Dar es Salaam pamoja na viongozi wa matawi ya vyuo hivyo.

Mazungumzo hayo pia yamehudhuriwa na kaimu katibu mkuu wa Umoja huo taifa Shaka Hamdu Shaka, mwenyekiti wa UVCCM mkoa wa Dar es Salaam, Asha Feruz pamoja na mjumbe wa Baraza kuu taifa Alex Gwantwa.