Mwanamuziki wa Bongo Flava, Rich Mavoko ametoa mtazamo wake baada ya watu wengi kumtupia maneno Fid Q kwa kile walichodai amemruhusu Diamond kutupa vijembe kwa Alikiba kupitia ngoma yake ‘Fresh Remix’.

Fid Q alitoa remix ya ngoma yake Fresh ambayo aliwashirikisha Diamond na Rayvanny ambapo siku kadhaa mbele Fid Q alikiri kusakamwa vilivyo katika mitandao ya kijamii.

Mavoko amesema kuwa “Kwangu mimi its easy kwa sababu hakuna muziki unaokwenda bila majibishano, hata mpira wenyewe kuna mabishano ndio maana kuna mtu kama Haji Manara.

Pia amesema kuwa Kuna watu wanaongea sana, hivi vitu ndio vinaleta chachu ya muziki, kwa sababu hiyo mitandao yao ndio inafanya watu wanakua , kwa hiyo mimi naona kawaida tu,”.