Mbunge wa Iringa Mjini (Chadema) Mchungaji Peter Msigwa amemwagia sifa wakili anayemtetea Rais wa Chama Cha Wanasheria, Tundu Lissu, Fatma Karume.

Kupitia akaunti yake ya Instagram Msigwa ameandika kuwa wakili Fatma Karume ni miongoni mwa watoto wa viongozi wanaojitambua.

Mbunge huyo ameendelea kuandika kuwa wakili huyo atembelei jina la baba yake kama walivyo watoto wa viongozi wengine.

Msigwa ameendelea kusema kuwa wakili huyo ni mshindani, anajiamini ni mfano mzuri wa wanawake hapa nchini.

Fatma Karume ni miongoni mwa washirika wa kampuni ya uwakili ya IMMA ni mtoto wa Rais Mstaafu wa Serikali ya mapinduzi ya Zanzibar Aman Abeid Karume.

Wakili huyo kwasasa ndiyo anamtetea mbunge wa Singida Mashariki, Tundu Lissu ambaye jana alifikishwa katika mahakama ya Hakimu Mkazi Kisutu.