Mkali wa Singeli, Msaga Sumu jana ametoa show ya kufa mtu kwenye tamasha la Mchizi Wangu lililofanyika katika viwanja vya Mwembeyanga wilayani Temeke Jijini Dar es Salaam.

Msaga Sumu ambaye ni Mfalme wa Uswazi ameimba nyimbo zake zote na kuwabamba mashabiki wake waliofika katika tamasha hilo lililokusanya watu kutoka jiji la Dar es Salaam.

Tamasha hilo limeandaliwa na kituo cha radio cha EFM cha jijini Dar es Salaam kwa ajili ya kuimarisha upendo miongoni mwa watu wa jiji la Dar es Salaam ambao wanaosikiliza kituo hiko kilichojizolea umaarufu hapa nchini.

Tamasha hilo lisilokuwa la kiingilio lilianza mida ya saa tatu asubuhi mpaka saa kumi jioni kwa kuwakutanisha wasanii mbali mbali ambao pia walipata nafasi ya kutoa show kwenye tamasha hilo la Mchizi wangu.

Wasanii wengine waliotoa show kwenye tamasha hilo mbali na Msaga Sumu ni Roma, Snura, Dullah Makabila, Majid Migoma na wengine kibao.