Kocha wa Manchester United, Jose Mourinho amesema kuwa atawapumzisha baadhi ya wachezaji wake katika mechi ya ligi kuu dhidi ya Arsenal siku ya Jumapili.

Mourinho amesema hayo kufuatia wachezaji hao kutumika sana bila kupumzika kwenye mechi za ligi kuu nchini Uingereza pamoja na Europa Ligi.

Kocha huyo ameamua hivyo kutokana na nafasi finyu ya kushiriki kombe la klabu bingwa Ulaya kutokana na kushika nafasi ya tano kwenye msimamo wa ligi kuu nchini Uingereza huku ikibakia michezo minne ligi hiyo kumalizika.

Inaonekana kocha huo ameelekeza nguvu zake kwenye ligi ya Europa kutokana na bingwa wa Europa anashiriki moja kwa moja ligi ya Mabingwa Ulaya (UEFA).

Jana Manchester United ilishinda goli moja dhidi ya Celta Vigo kwenye mechi ya Europa ligi iliyofanyika nchini Uingereza ambapo Rashford ndiye aliyekwamisha mpira wavuni.

Machester United watarudiana na Celta Vigo ya Uhispania kwenye mechi ya marudiano ya Europa ligi itakayofanyika Alhamisi ijayo kwenye uwanja wa Old Traford nchini Uingereza.