Kocha wa Manchester United, Jose Mourinho amewasili kwao nchini Ureno kwa ajili ya mazishi ya baba yake mzazi.

Baba yake Mourinho aitwae Jose Manuel Mourinho Felix 79 amefariki Dunia baada ya kuugua kwa muda mrefu na mazishi yanatarajiwa kufanyika leo huko jijini Setubal nchini Ureno.

Mapema jana Mourinho kupitia ukurasa wake wa Instagram aliweka picha ya baba yake huku ikiwa na rangi nyeusi na nyeupe na hakuandika kitu huku maoni ya mashabiki kumpa pole kwa msiba uliompata.

Katika enzi za uhai wake Baba mzazi wa Mourinho alishawahi kuitumikia timu ya taifa ya Ureno na Klabu ya Victoria Setubal FC kwa michezo 250.