Kocha wa Manchester United, Jose Mourinho amesema kuwa atampa muda beki wake, Victor Lindelof ili aizoee ligi kuu ya Uingereza.

Mourinho ameongeza kwa kusema kuwa Romelu Lukaku na Nemanja Matic wameingia kwenye kikosi chake moja kwa moja kwasababu wameshaizoea ligi kuu ya Uingereza na ndiyo mana walikuwepo kwenye mechi dhidi ya West Ham ambapo United ilishinda 4-0.

Kocha huyo amesema kuwa beki huyo alicheza kwenye mechi ya Super Cup dhidi ya Real Madrid kutokana mabeki wake , Phill Jones na Erick Bailly walikuwa wamefungiwa na UEFA.

Mourihno amesema kuwa kutoka ligi nyingine na kucheza ligi kuu ya Uingereza inahitaji muda kuizoea na siyo kitu rahisi kabisa.

Akitoa mfano Mourinho amesema kuwa aliwahi kumsajili beki Ricardo Carvalho kwenda Chelsea mwaka 2004 alipata tabu wakati anawasili kwenye ligi kuu nchini Uingereza lakini baada ya kuizoea akawa beki mzuri kwenye ligi hiyo.

Mwisho Mourinho amesema kuwa Victor Linderlof anahitaji muda kidogo kwa ajili ya kuizoea ligi ya Uingereza kama ilivyokuwa kwa mchezaji mwenzake Henrikh Mkhitaryan aliyetokea ligi ya Bundersliga.