Dansa kutoka WCB, Mose Iyobo amemtaka mwanamuziki Harmorapa kujipanga zaidi na kuacha kukurupuka kama ambavyo amefanya.

Mose Iyobo ambaye ni kiongozi wa madansa kutoka kundi la WCB amesema kuwa haamini kama Harmorapa ana jina kubwa na wala hajawahi kusikia kazi yake yoyote.

Dansa huyo amesema kuwa muziki unahitaji mtu kujipanga ili uweze kumlipa lakini siyo kukurupuka kama ambavyo Harmorapa amefanya.

Wawili hao wiki chache zilizopita waliingia kwenye tofauti baada ya Mose Iyobo kumfananisha harmorapa na nyani kitu ambacho kimemuumiza sana Harmorapa.

Harmorapa ni mwanamuziki chipukizi ambaye amejizolea umaarufu wa ghafla nchini baada ya kujifananisiha na mwanamuziki kutoka WCB, Harmonize kutoka na muonekano wake.

Hadi sasa Harmorapa ameachia nyimbo yake inayokwenda kwa jina la ‘Usigawe Pasi ambayo ndiyo iliyomtambulisha.