Nahodha wa Simba, Jonas Mkude amepata ajali baada ya gari waliokuwa wakisafiria kupinduka katika eneo la Dumila Mkoani Morogoro wakati wakirejea jijini Dar es salaam kutokea Dodoma.

Ajali hiyo iliyohusisha  gari yenye namba za usajili T 834 BLZ, Toyota VX imetokea baada ya gurudumu la nyuma ya gari hiyo kupasuka na kupoteza muelekeo.

Ajali hiyo imesababisha kifo cha mtu mmoja aliyetambulika kwa jina moja la Shose na majeruhi kadhaa ambapo wamewahishwa kwenye hospitali ya Mkoa wa Morogoro kwa ajili ya kupatiwa matibabu.