Mmoja wa mameeneja wa Diamond Platnumz, Mkubwa Fella amesema kuwa anaweza kufanya kazi na mwanamuziki, Alikiba licha ya watu wengi kudhani ana tofauti naye.

Mkubwa Fella amesema kuwa hajawahi kugombana na Alikiba na anaweza kufanya naye kazi kwani Kiba ni mwanaye wa dhahabu.

Fella amesema kuwa “Mimi kwanza sijawahi kusema sifanyi kazi na mtu yeyote, kwanza Alikiba mimi mwanangu wa dhahabu, mwanangu wa gold wala usiseme kuna kitu hichi, mimi ndiyo meneja wa kwanza katika mziki huu sina pingamizi ya kusema nitafanya kazi na mtu au niogope kufanya  kazi na mtu, wote wanangu mimi ni mkubwa na wanawe.

Ameongeza kwa kusema kuwa Alikiba mwanangu haijawahi kuonekana hata siku moja mimi na Alikiba tunagombana, sijakuwa hivyo”.

Kwa muda mrefu kumekuwa na dhana kuwa Mkubwa Fella hawezi kufanya kazi na Alikiba kwa kuwa meneja huyo kufanya kazi na wasanii wa WCB ambao wanaonekana kuwa tofauti na Alikiba.