Meneja wa mwanamuziki wa Bongo Fleva, Aslay aitwae Chambuso amesema kuwa mwanamuziki huyo hajawahi kuwa na ukaribu na Alikiba.

Kauli hiyo ya Chambuso imekuja baada ya kusambaa maneno kuwa Aslay ameingia kwenye mgogoro na WCB kutokana na ukaribu wake na mwanamuziki Alikiba.

Chambuso amesema kuwa Aslay hajawahi kuwa karibu na Alikiba na wala hakuwa na wimbo wowote ambao tayari wameurekodi kama inavyosemwa na baadhi ya watu.

Pia ameongeza kwa kusema kuwa wala hakuna tatizo lolote kati ya Aslay na WCB na wala hana tatizo na Alikiba.

Meneja huyo amesema kuwa nyimbo alizoachia Aslay ni kama zawadi hajaanza kufanya kazi rasmi ila baada ya kupita mwezi mtukufu wa Ramadhan wataanza kuachia nyimbo za msanii huyo rasmi.

Aslay toka kundi la Yamoto kwasasa anatamaba na nyimbo zake ikiwemo ‘Angekuona’ kwasasa ameamua kuachia wimbo bila kundi lake hilo.