Mwanamuziki wa Bongo Fleva, Mbosso kutokea lebo ya WCB Wasafi, ametangaza ujio wa video ya wimbo ‘Yes’ aliomshirikisha Spice Diana kutokea Uganda.

Mbosso kwa picha akiwa na Diana, kupitia Instagram alitangaza ujio wa video ya wimbo huo kutoka kwenye album yake ‘Definition of Love’ iliyotoka Mach. 9 2021.

Mpaka sasa Kutoka kwenye album hiyo ya kwanza na mpya, Mbosso alishaachia video za nyimbo mbili ambazo ni Yallah na Baikoko aliyomshirikisha Diamond Platnumz.

Mbosso anatangaza kuachia video ya wimbo huo baada ya video ya wimbo Baikoko kufikia zaidi ya watazamaji milioni tatu ndani ya siku sita za wiki.