Mwanamuziki wa Bongo Fleva, Mbwana Yusuph Kilungi maarufu kama Mbosso amewashukuru mashabiki kwa mapokezi mazuri ya album yake ya kwanza, ‘Definition Of Love’.

Ujumbe wa Shukrani za Mbosso uliwafikia wafuasi wake kupitia akaunti yake ya Instagram yakiwa ni masaa kadhaa tangu alipoachia rasmi album yake hiyo leo Machi 09 2021.

“Asante Sana Kwa Mapokezi Yenu Mazuri Ya Albam Yangu Ya Definition Of Love.. Upendo Wenu na Support Yenu inanitia Nguvu Kubwa Sana Ya Kufanya Kazi Kwa Bidii Zaidi ” Aliandika Mbosso.

Mbosso ameachia albam yake hiyo ikiwa ni kwanza toka aanze muziki wake na kuingia kwenye lebo ya WCB chini ya Diamond Platnumz baada ya kuvunjika kwa kundi la Yamoto Band.