Mwanamuziki wa Bongo Fleva, Mbosso kutokea lebo ya WCB Wasafi ametoa ufafanuzi wa kuwa mtandao wa facebook ulifanya uthibitisho wa ukurasa ambao sio wake.

Msanii huyo amesema hayo baada ya ukurasa wenye jina la Mbosso katika mtandao wa kijamii wa Facebook kufanya kazi ya kuposti vitu vya Mbosso.

Mbosso kupitia ukurasa wake wa Instagram aliweka maelezo na ambatanisho la Screenshot ilioonesha kuwa ukurasa anaoutumia ni tofauti na ukurasa uliothinitishwa kwenye mtandao huo.

Mbosso alitoa sababu za kuweka sawa maelezo hayo juu ya ukurasa wake kwa msisitizo kuwa amekuwa kipokea malalamiko ya baadhi ya watu kutapeliwa kwenye mtandao huo kupitia jina lake la Sanaa.