Mwanamuziki nyota wa Bongo Fleva, Mbosso ameachia cover ya Album yake mpya ijayo iitwayo ‘Definition Of Love’ ambayo inakaribia kukamilika hivi karibuni.

Mbosso aliachia cover hiyo kupitia akaunti yake ya Instagram kama mkurugenzi wa lebo hiyo, Diamond Platnumz alivyotangaza mapema wiki iliyopita.

Mbosso amesema kuwa albam hiyo imekamilika hivyo mashabiki zake wakae mkao wa kula kwani kuna nyimbo bora ndani ya albam hiyo hivyo waisubilie kwa hamu.

Pia amesema kuwa kutokana na albam nyingi kutoka hivi karibuni anadhani albam yake itakuwa miongoni mwa albam bora kuwahi kutokea kwenye kiwanda cha muziki hapa Bongo.

Album hiyo ya kwanza kutoka kwa Mbosso chini ya lebo hiyo iliyotarajiwa kutoka Mwezi wa pili mwaka huu, imethibitika kuwa itatoka rasmi Machi 13.