Mwanamuziki wa Bongo Fleva, Marioo amefunguka na kuwatarifu mashabiki wake ujio wa tour yake nchini Tanzania aliyoipa jina la I’am Marioo Tour.

Marioo ameweka wazi ujio wa tour yake hiyo kupitia ukurasa wake wa Instagram huku akiwaachia mashabiki kupendekeza ni mkoa gani ambao asiache kukanyaga kwenye Tour yake hiyo.

Marioo ameandika “Unatamani nisiache kupita mkoa gani?. Nitawatangazia tarehe hivi karibuni” hivyo amewataka mashabiki wake kukaa mkao wa kula kwa tour yake hiyo.

Pamoja na kuweka wazi ujio wa Tour yake hiyo Marioo hajagusia endapo kuna wasanii wengine ambao anatarajia kushirikiana nao kwenye tour hiyo au atakuwa mwenyewe tu.