Meneja wa msanii nyota wa muziki wa Bongo Fleva, Diamond Platnumz, Sallam SK ametoa ushauri wake juu ya namna ya kuishi na watu aliowataja kuwa ni wenye chuki kwenye kiwanda cha muziki.

SK ambaye aliutumia ukurasa wake wa twitter kueleza kuwa wenye chuki wapo duniani kote kwenye kiwanda cha muziki na kushauri kuwakubali watu hao na kuongeza kuwa ni bora kuwapenda.

Ameandika “Waliopo kwenye industry ya mziki duniani wanaelewa kuna viumbe duniani wanaitwa haters. Wasipo-hate wanaweza kupata upungufu wa damu kwahiyo msiwachukie wala msibishane nao ila endeleeni kuwapenda tu.

Salaam SK amesema hayo baada ya baadhi ya watu kupinga Diamond Platnumz kuwekwa kwenye kinyang’anyiro cha kuwania tuzo ya BET zitakazotolewa Tarehe 27 mwezi huu nchini Marekani.