Mkali wa hip hop Bongo, Nikki wa Pili kupitia akaunti yake ya Twitter amefunguka kwa kuwachana waigizaji wa Bongo Movie baada ya kuandamana kupinga uuzwaji wa Movie za nje.

Nikki wa Pili amesema kuwa wasanii wa Bongo Movie wanajulikana zaidi kuliko movie zao wakati movie za Rambo ni maarufu kuliko Rambo mwenyewe.

Alichokiandika Nikki wa Pili jana ‘ “Nchi zote zilizoendelea zililinda masoko ya nyumbani, ndio tulilinde lakini wenye movie nao wajilinde kwa kujiongeza kila kukicha,” alitweet Niki wa Pili.

Pia ameongeza “Bongo Movies mwanzoni walikuwa na soko, kuanza ni kujaribu, but ku sustain is a science, mwendelezo wa lolote huitaji maarifa na maisha ya mwigizaji tofauti na mwanamuziki, Denzel na Jiga tofauti, sasa waigizaji wanaishi ki bongo fleva,”.

Hatua hiyo imekuja baada ya siku ya juzi baadhi ya wasanii wa Bongo Movie nchini kuandamana wakiwa na Mkuu wa Mkoa Dar es salaam, Paul Makonda kupinga uuzwaji wa movie za nje.

Katika maandamano hayo maeneo ya Kariakoo, Mkuu wa mkoa Makonda amepiga marufuku filamu za nje kuuzwa huku akitaka wafanyabishara kufuata taratibu za kuziingiza nchini.