Manchester United wamekubaliana dili la kumsajili beki raia wa Sweden anayechezea klabu ya Benfica ya Ureno, Victor Lindelof kwa ada ya uhamisho ya paundi milioni 31.

Manchester United imesema kuwa uhamisho huo kwasasa upo tayari kilichobakia ni makubaliano binafsi na mchezaji huyo na anatarajia kupima vipimo vya afya wiki ijayo jijini Manchester.

Beki huyo amecheza mechi 12 za timu ya taifa ya Sweden na pia alikuwemo kwenye kikosi kilichocheza na Norway kwenye mechi ya kirafiki.

Mchezaji huyo mwenye umri wa miaka 22 alisajiliwa na Benfica toka mwaka 2012 atakuwa mchezaji wa kwanza kusajiliwa na Manchester United kwenye dirisha hili la majira ya joto.

Beki huyo ameichezea Benfica mechi 47 toka ajiunge nayo na ameisadia klabu hiyo kutwaa kombe la ligi nchini Ureno msimu uliopita.