Klabu ya soka ya Manchester United imekamilisha usajili wa beki, Victor Lindelof kutoka Benfica kwa ada ya paundi milioni 31.

Manchester United imethibitisha kuwa tayari inakamilisha taratibu za kumsajili beki huyo, ambaye atakuwa mchezaji wa kwanza kusajiliwa na kocha Jose Mourinho kipindi hiki cha majira ya kiangazi.

Lindelof anatokea klabu ya Benfica ya nchini Ureno aliyojiunga nayo mwaka 2012 hadi alipoondoka mwaka huu.

Mkataba wa Lindelof utakuwa wa miaka minne katika klabu hiyo ya Manchester United yenye maskani yake Old Trafford.

Baada ya usajili huo kukamilika beki huyo amesema kuwa anafurahi sana kujiunga na klabu hiyo ya Manchester United kutokana na ubora wa klabu hiyo.