Mabasi ya Mwendokasi yamegongana asubuhi ya leo eneo la Shekilango jijini Dar es Salaam.

Kutokana na ajali hiyo abiria wanaotumia usafiri huo kutokea Kimara wamekwama baada ya kukosekana kwa muda kwa usafiri huo.

Vituo vya Udart vilivyopo Mbezi Mwisho hadi Ubungo vilifurika abiria baada ya kukosekana kwa muda kwa usafiri huo mpaka kupelekea kutafuta usafiri mwingine.

Mkuu wa kitengo cha mawasiliano cha Udart, Deus Bugaywa amesema kuwa ajali hiyo imetokea baada ya gari moja kugonga lingine kwa nyuma na kusababisha barabara kutopitika kiraisi.

Bugaywa amesema kuwa baada ya magari hayo kuondolewa eneo hilo huduma ya mabasi hayo yamerejea kama kawaida.