Mshambuliaji mpya wa klabu ya Manchester United, Romelu Lukaku ameanza mazoezi ya pamoja na timu hiyo katika jiji la Los Angeles nchini Marekani.

Lukaku amejiunga na United kwa dau la paundi milioni 75 akitokea klabu ya Everton inayoshiriki ligi kuu nchini Uingereza.

Mshambuliaji huyo mwenye umri wa miaka 24 raia wa Ubelgiji ameibuka nafasi ya pili kwenye upachikaji mabao katika ligi kuu nchini Uingereza akizidiwa na mshambuliaji wa klabu ya Tottenham, Harry Kane.

Lukaku anakuwa mchezaji wa pili kusajiliwa na mashetani wekundu baada ya beki Victor Lounderlof kutokea klabu ya Benfica nchini Ureno.

Manchester United kwasasa ipo nchini Marekani kwa ajili ya maandalizi ya msimu mpya wa ligi kuu nchini Uingereza utakaoanza mapema mwezi ujao.