Aliyekuwa mgombe urais kupiti Umoja wa Katiba ya Wananchi (UKAWA), Edward Lowassa amesema kuwa anawakaribisha Chadema wale wote waliokatwa na Chama Cha Mapinduzi.

Lowassa ambaye ni mjumbe wa kamati wa kamati kuu ya Chadema  amesema kuwa amesoma na kusikia baadhi ya waliokuwa viongozi katika Chama Cha Mapinduzi wamekatwa ama kutetea nafasi zao au kugombea, kwa sababu mbalimbali.

Lowassa amesema Baba wa Taifa Hayati Mwalimu Nyerere alisema ni wakati muafaka kwa Tanzania kuwa na mfumo wa vyama vingi, pamoja na kwamba maoni ya Watanzania wengi wakati ule kupitia tume ya Nyalali(Jaji Francis) kutaka kuendelea na mfumo wa chama kimoja.

“Nataka kuwakumbusha Watanzania wenzangu hawa, uamuzi ule wa Baba wa Taifa, ulilenga kuwapa Watanzania demokrasia ya kuwa na uwanja mpana wa kufanya siasa,”

“Mimi nimetumia fikra hizo za mwalimu na hakika hivi sasa ninafurahia demokrasia halisi huku niliko. Kwa  wote waliokatwa na wanahisi wameonewa waondokane na unyonge wa fikra kudhani kuwa bila CCM hakuna maisha…waje huku tufanye siasa kwa manufaa ya wananchi wetu.”

Pia Lowassa amewaomba wanaChadema wenzake kuwapokea kwa mikono miwili na wale wanaoendelea kubaki huko CCM waendelee kushikamana hadi uchaguzi mkuu ujao 2020 ambapo upinzani utakapoonyesha makucha yao.