Mwanamuziki wa Bongo Fleva, Linex ametangaza kuachia EP yake mpya yenye jumla ya nyimbo nne inayokwenda kwa jina la ‘My side B’ ambayo inatarajia kutoka hivi karibuni.

Linex ni miongoni mwa wasanii ambao watu wengi wamezoea kuwaona kwenye upande mmoja wa muziki wa Bongo Fleva tu.

Lakini mkali huyo ni miongoni mwa wasanii waliojaliwa kipaji kikubwa sana cha kufanya chochote kwenye muziki ikimaanisha kuimba aina yoyote ya muziki.

Hapa wikii hii inayoanza ataachia EP yake ya muziki wa Injili ya MY SIDE B.

Linex amesema kuwa EP hiyo itakuwa na ngoma nne na lengo la kuachia EP ya muziki wa Injili ni kuwaonyesha watu kuwa yeye amelelewa kwenye familia ya dini na pia kutoa heshima zake kwenye muziki huo.