Mwanamuziki wa Bongo Fleva, Linex ameguswa kwa masikitiko na tukio la kijana Lucas Thomas (17) mhitimu wa kidato cha nne mwaka 2021 aliyejinyonga siku moja kabla ya Baraza la Mitihani Tanzania (NECTA) kutangaza matokeo ya kidato cha nne 2021.

Linex alituma ujumbe wa kusikitishwa na tukio hilo kupitia ukurasa wake wa twitter JJanuari 18 2022 na kuambatanisha salamu za pole kwa familia, ndugu, jamaa na marafiki kwa kuondokewa na mpendwa wao.

Mhitimu huyo wa Shule ya Sekondari Serengeti mkoani Mara amekutwa amejinyonga kwa kamba kwenye mti katika kijiji cha Buhemba Wilaya ya Butiama baada ya kuaga anaenda shambani kuvuna mahindi na matunda.

Tukio hilo ambalo limeacha gumzo na maswali yasiyo na majibu linadaiwa kutokea Januari 14 mwaka huu 2022 ikiwa ni siku moja kabla ya NECTA kutangaza matokeo ya kidato cha nne ambapo alipata daraja la pili pointi 21.