Mwanamuziki wa Bongo Fleva, Lady Jay Dee pamoja na Rama Dee wanatarajia kufanya show maarufu ‘Love Sentense’ mapema mwaka huu katika Ukumbi wa Milimani City jijini Dar Es Salaam show ambayo imeonekana kuwa na hadhi ya juu kutokana na viingilio.

Lady Jay Dee kutokana na ukomavu wake kwenye game amekuwa akifanya show za namna hiyo na kuhudhuriwa na watu wengi wanaopenda nyimbo zake.

Jide ni msanii wa kike wa pekee kwenye level zake mwenye uwezo wakufanya show kubwa na namna hiyo.

January hii wametangaza ujio wa show yao kubwa wakiwa na muimbaji Rama Dee katika kipindi ambacho wasanii wengi wanaona sio kupindi kizuri cha biadhara ya muziki.

Kwa sasa wawili hao wanafanya vyema sana na ‘Matozo’ moja kati ya project yao mpya kutoka kwenye albamu ya pamoja ikiwa ni miezi mitatu toka waachie video ya wimbo ‘Suluhu’.

Jay Dee na Rama Dee wamekuwa na muunganiko mzuri kwenye muziki wao kwani project zao nyingi za pamoja kama zimefanya vizuri ukiwemo wimbo ‘Kama Hauwezi’ ambao ulitoka mwaka 2017.