Kuluthumu Salim Ndee maarufu kwa jina la Dk Love ni mnajimu wa nyota nchini ambaye alizaliwa 27/6/1967 katika wilaya ya Kondoa mkoani Dodoma. Alipata elimu yake ya msingi katika shule ya msingi Chilolo iliyopo wilayani Kondoa kuanzia 1977-1983.

Baada ya kumaliza elimu ya msingi alihamia jijini Dar es Salaam na kujiunga na chuo cha ufundi NVTC kilichopo maeneo ya Chang’ombe Temeke jijini Dar es Salaam akisomea fani ya umeme wa majumbani kuanzia mwaka 1986-87.

Baada ya kuhitimu chuoni hapo na kufaulu akapangia kwenda chuo cha NTVC Moshi kwa ajili ya kujiendeleza zaidi ambapo akabadilisha fani na kusomea fani ya umeme wa viwandani kuanzia 1987-88.

Kazi

Mwaka 1988-91 alifanya kazi katika kiwanda cha mazulia kilichopo wilayani Kilosa mkoani Morogoro ambapo alidumu kwa miaka mitatu.

Pia alifanya kazi katika kiwanda cha saruji kiitwacho A to Z kilichopo mkoani Arusha ambapo alifanya kwa mwaka mmoja kuanzia 1992-93.

Mwaka 2000 – 2001, Dk Love alianza kuhudhuria mafunzo ya masuala ya nyota katika darasa la aliyekuwa mnajimu mkuu wa Afrika Mashariki na Kati marehemu Sheikh Yahaya Hussein magomeni jijini Dar es Salaam.

Baada ya kuhitimu mafunzo hayo Dk. Love alianza rasmi amenza shughuli za unajimu akifanyia shughulia zake wilayani Temeke jijini Dar es Salaam.

Pia Dk. Love aliwahi kufanya kazi na kuchambua nyota katika vituo mbali vya radio nchini kama vile Magic FM, East Africa Radio pamoja na Times FM.

Mpaka sasa anajishughulisha na kazi ya unajimu wa nyota nchini akifanya kazi na kampuni ya Green Telecom Limited.

Usikofe kumfuatilia kupitia Yuotube katika akaunti ya @Utabili wa Nyota na Dk. Kuluthum ili kujua nyota yako ni ipi na kujua vitu gani utakiwi kufanya kulingana na nyota yako.