Mtoto wa muigizaji wa Bongo Movie, Kajala Masanja, Paula Paul anatarajia kufungua duka lake la nguo alilodai limegharimu Sh500 milioni.

Paula alisema ana jambo kubwa analokwenda kulifanya siku ya Ijumaa na alipobanwa kwamba limemgharimu Shilingi  ngapi alijibu kuwa ni Sh500 milioni.

Kwa majibu hayo ni wazi kuwa Paula duka hilo ndilo litakuwa limemgharimu Shilingi 500 milioni na sio kingine kabisa.

Alipoulizwa amepata wapi fedha za kufungua mradi huo, alijibu kuwa zimetokana na matangazo mbalimbali ambayo amekuwa akiyapata.