Muigizaji wa Bongo Movie, Kajala Masanja ameanza rasmi majukumu yake ya umeneja wa Harmonize ambapo miongoni mwa vitu alivyoanza navyo ni kushiriki music video ya staa huyo.

Kajala ameongozana na Harmonize katika shoo zake mbili zinazotarajiwa kufanyika moja ni Doha, Qatar na nyingine Dubai.

Harmonize ataanza na shoo ya Doha iliyopewa jina la The Ultimate Shutdown Afro Bongo Night ambayo itakuwa Julai 14, 2022 katika Ukumbi wa Holiday In – The Business Park Najma Al Masa Ball Room.

Baada ya hapo, Jumamosi ya Julai 16, 2022 atapafomu Live akiwa na DJ Seven na Dj Liya huko Dubai.

Harmonize alimtambulisha Kajala kama mmoja wa Mameneja wake ambaye atakuwa akifanya kazi ya kusimamia kazi zake na kazi za wasanii wengine ww Lebo ya Konde Music.