Baada ya Vanessa Mdee na mpenzi wake Rotimi kuweka wazi kuwa wanatarajia kupata mtoto siku za hivi karibuni, mpenzi wake wa zamani Jux awapongeza.

Kupitia wimbo wake mpya ‘Sina Neno’ King Of Hearts amemtakia kheri na kumuombea maisha mema na yenye furaha baada ya kuiona familia ikikuwa.

Moja ya line kutoka kwenye wimbo huo inasema “Tushafunika kurasa mambo ya zamani yalishapita, maisha mengine sasa kuwa na amani hakuna vita, sikuchukii nakuombea maisha mema na ya furaha, Mungu aonyeshe njia.

Mpenzi wake Vanessa Mdee aitwae Rotimi jana ameposti picha zikimuonesha Vanessa akiwa na ujauzito na kuthibitisha kuwa wanataraji kupata mtoto wa kiume.

Jux na Vanessa Mdee waliwahi kuwa wapenzi kwa Zaidi ya miaka sita kabla ya kuachana na Vanessa kuanzisha mahusiano na mwanaume huyo mwenye asili ya Nigeria anayeishi nchini Marekani.