Mwanamuziki wa Bongo Fleva, Jux amekosa kupata tuzo za TMA licha ya kutajwa kuwania vipengele sita katika tuzo hizo.

Jux ambaye ametesa na vibao mbalimbali ikiwemo Sisikii, Upo Juu na vingine vingi katika tuzo hizo alikuwa akiwania vipenge sita.

Awali msanii huyo alitajwa kuwania katika kipengele cha msanii bora wa kiume wa BongoFleva akichuana na wakina Harmonize, Marioo, Whozu na Ben Pol tuzo ambayo umeenda kwa Marioo.

Pia yupo katika kipengele cha mwanamuziki bora wa kiume wa mwaka, akishindanishwa na Profesa Jay, Young Lunya, Ben Paul na Harmonize aliyeibuka mshindi.

Aidha yupo Katika kipengele cha wimbo bora wa kushirikiana kupitia wimbo wake wa Lala alioimba na msanii Rayvanny, video bora na chaguo la watu ambapo ushindi umeenda wa kwa Darasa kupitia wimbo wa Loyalty alioimba na Nandy na Marioo

Pia wimbo wake huo alikuwa akishindanishwa kwenye kipengele cha video bora ushindi ulioenda kwa AliKiba kupitia wimbo wake wa Salute.

Wakati kwenye kipengele cha chaguo la watu, Jux kapigwa chini tena na AliKiba kuibuka kidedea .

Huku kwenye kipengele cha wimbo bora, ushindi umeenda kwa Mario kupitia wimbo wake wa Bia Tamu.

Tuzo za muziki zimetolewa ambapo moja ya vigezo vilivyotumika kuwapata wateule ilikuwa ni msanii kujipendekeza katika tuzo anayoona anafaa kupigiwa kura.