Mwanamuziki wa Bongo Fleva, Joh Makini amefunguka na kusema kuwa muziki wake hautegemei kiki ndio mana ameendelea kubaki kwenye ubora wake.

Joh Makini amesema hakuna kiki wala drama yoyote ya msanii ambayo imewahi kumshangaza au kumshtua tangu waanze kufanya matukio yao.

“Hakuna drama wala kiki yoyote ambayo imewahi kufanywa na wasanii wa Bongo ikawahi kunishtua au ikanifanya nikaiamini, wanajua ni kwa sababu gani wanafanya hata watu wengine unakutana nao wakati wanapanga hiyo mipango kabla ya kwenda Public”

“Binafsi najua ni kutengeneza Attention ili watu wasikilize miziki yao lakini sijawahi kushtushwa na kiki wala drama yoyote ya msanii yeyote hapa Bongo” ameongeza 

Mwanamuziki huyo na kundi la Weusi akiwa na G Nako na Lord Eyes kwasasa wanatamba na ngoma inayokwenda kwa jina la Ronaldo ambayo infanya vizuri katika platform mbali mbali za muziki.