Rais mstaafu wa awamu ya nne wa Jamhuri ya Muungano wa Tanzania, Dkt Jakaya Mrisho Kikwete amewataka watanzania kuwa wavumilivu kutokana na kauli zinazosemwa na vijana mitaani kuwa vyuma vimekaza wakimaanisha maisha yamekuwa magumu tofauti na kipindi cha nyuma.

 Kikwete amesema hayo jana wakati akitoa salam kwa wajumbe wa Mkutano Mkuu wa CCM ambao umefanyika Dodoma ukiendana na uchaguzi mkuu wa chama hicho.

 Kikwete amesema kuwa “Hakuna kazi ngumu duniani kama urais, uzuri na ubaya wa kazi hii unakuwa mpweke, kila mmoja anakuletea shida zake wewe.

Pia amesema kuwa Magufuli amefanikiwa kwa kiasi kikubwa ndani ya miaka miwili inaleta matumaini kwa Taifa na kwa CCM.

Ameongeza kwa kusema kuwa “Mambo ya kufanya katika nchi ni mengi, huwezi kuyamaliza yote ndani ya miaka miwili.

Amemalizia kwa kusema kuwa ‘Tunayasikia ‘oooh mara vyuma vimekaza’, kuweni na subira, viongozi wetu ni makini, wanayatambua matatizo yanayowakabiri wananchi wetu, wanayatafutia ufumbuzi,”.