Mwanamuziki wa Bongo Fleva, Jay Melody amefunguka na kusema kuwa yupo mbioni kuachia albam yake ambayo itakuwa ya kwanza toka aanze muziki wa Bongo Fleva.

Jay Melody amejipanga kukata kiu ya mashabiki zake kwa kuwapa kile anachofikiri kuwa wanakihitaji kwa sasa ambacho ni “Album”.

Kupitia ukurasa wake wa Instagram Jay Melody ameandika “Nafikiri mnahitaji Album kwa sasa” hivyo mashabiki wake mkao wa kula kuipokea albam hiyo.

Jay ambaye kwa sasa anafanya vizuri na wimbo wake Nakupenda amekuwa na wasaa mzuri sana kwenye muziki wake hii ni baada ya kupata mapokezi makubwa kwenye nyimbo zake zote ambazo amekua akiziachia tokea mwaka jana.