Muigizaji wa Bongo Movie, Jacqueline Wolper amefunguka sababu zilizopelekea kufungua App yake.

Wolper amesema moja ya sababu ni kuwa karibu na mashabiki zake na kuwaepusha kupata taarifa za uongo kuhusu yeye kupitia akaunti fake kwenye mitandao ya kijamii kama facebook na Instagram.

Muigizaji huyo asiyechuja amesema kuwa ni kweli anataka kuja na App yake na sababu kubwa ambayo imemfanya awe na App ni kwa sababu mashabiki wengi wanatamani kujua vitu vyake kwa undani kwa sababu wanakutana na akaunti fake za facebook.

Wolper ameongeza kwa kusema kuwa kutokana na sababu hiyo imempelekea kuja na App yake hiyo kwa ajili mashabiki wake kupata habari za uhakika kutoka kwenye App hiyo tofauti na mitandao ya kijamii ambapo wanakutana na akaunti fake.

Pia amesema kuwa sababu niyingine ni kuwasiliana na mashabiki wake pamoja na kuwajibu maswali yao na chochote ambacho wanataka kujua kuhusu yeye pamoja na maisha yake kwa ujumla.

Wolper atakuwa msanii wa pili kutoka katika tasnia ya filamu kufanya hivyo baada ya Wema Sepetu ambaye amefungua App yake muda tu.