Muigizaji wa Bongo Movie, Irene Uwoya ameonekana kuzidi kukolea kwa penzi la mume wake Msanii wa Bongo fleva Dogo Janja kwani jana ameonyesha tattoo ya Jina lake aliyochora.

Siku za hivi karibuni Uwoya na Dogo Janja wameonekana kuweka mambo yao hadharani kidogo kwenye mitandao ya kijamii baada ya kukaa kimya kwa muda mrefu tangu ndoa yao ifungwe.

Kupitia ukurasa wake wa Instagram Dogo Janja ameanika tattoo hiyo iliyochorwa na Uwoya kwenye maeneno ya bega iliyoandikwa Jina halisi la Dogo Janja ambalo ni Abdul.

Baadhi ya mashabiki wa mastaa hao wameonesha kufurahishwa na upendo unaooneshwa na wawili hao mpaka kufikia kuchorana tattoo.