Mshambuliaji wa Manchester United, Zlatan Ibrahimovic amemmshauri Anthony Martial kwa kumwambia aachane na suala la kuondoka badala yake amsikilize kocha wake Jose Mourinho.

Zlatan amemwambia mchezaji huyo kama anataka kufanikiwa basi atulie na kumsikiliza kocha wake Jose Mourinho tu kwa sasa aachane na mambo ya utoto.

Zlatan amekuwa ndiye mshauri wa mara kwa mara wa kinda huyo na ushauri wake ndiyo umemzuia kuondoka na kujiunga na timu nyingine kwa mkopo.

Kwa upande wake Mourinho amemwambia kinda huyo raia wa Ufaransa kuwa anatakiwa kuongeza juhudi kama anataka kuendelea kuitumikia timu hiyo.

Wakala wa mchezaji huyo Philippe Lamboley amenukuliwa mara kwa mara akisema kuwa anataka kumpeleka mchezaji huyo kwa mkopo kwa kuwa anaona hana nafasi Old Traff ord.