Mwanamuziki wa hip hop nchini, Harmorapa anatarajia kutoa Burudani siku ya sikukuu ya Pasaka katika ukumbi wa Dar Live Mbagala jijini Dar es Salaam.

Meneja na Mratibu wa Dar Live, Juma Mbizo almesema kuwa, mashabiki wengi wame­kuwa na hamu ya kushudia vitu vya mkali huyo akipanda juk­waa moja na kulisimamisha kama wa­fanyavyo kwenye matamasha mengine.

Mbizo alionge­za kuwa mbali na mkali huyi, wakali wengine watakaokimbiza ni Juma Nature, Msaga Sumu, MC Darada pamoja na Dula Makabila.

Mapema kuanzia asub­uhi kutakuwa na burudani na michezo mingi kwa watoto itakayoon­gozwa na Kundi la Makhirikhiri kutoka Tanzania.

Kwa upande wake Haromrapa ameahidi kuweka historia ya burudani ndani ya Dar Live huku akiwahakikishia mashabiki wake kuwapa kile wanachostahili.

Msaga Sumu, Darada na Dula Makabila wametamba kufanya maajabu kwenye shoo hiyo, huku wakiwaomba mashabiki zao wajitokeze kwa wingi kwani DAR LIVE ndiyo kiwanja pekee watapata Burudani ya kiwango.