Mwanamuziki wa Bongo Fleva, Harmonize amedai kuwa bado safari ni ndefu kwa wasanii wa muziki wa Bongo Fleva kujulikana nje ya nchi kama vile Nigeria.

Harmonize ambaye yupo nchini Nigeria kwa wiki ya pili sasa amesema kuwa katika mizunguko yake katika sehemu mbalimbali za Starehe haswa klabu amegundua kuwa muziki wa Afrika Mashariki bado haujakua mkubwa kama vile wasanii wanavyodai

Kwa mujibu wa Harmonize anadai kuwa amesikia nyimbo hizi Anajikosha, Sere ya Olakira akiwa kamshirikisha Zuchu na Attitude ambayo anadai kuwa inapigwa kwa heshima ya Awilo Longomba.

Harmonize ameandika “Tunavyodanganyana kujiona wakubwa Afrika. Kila mtu anaweza kuwa mshindi Afrika Mashariki ndugu wasanii amka fuata ndoto zako unaweza kuwa wewe mambo bado kama chege ukweli mtupu”.