Mwanamuziki wa Bongo Fleva, Harmonize ameiachia rasmi Cover na orodha (track list) ya nyimbo zitakazopatikana kwenye album yake mpya “HIGH SCHOOL”.

Orodha hiyo inaonesha uwepo wa jumla ya nyimbo ishirini ndani ya album hiyo inayotarajiwa kuachiwa mapema Mwezi Novemba, 2021.

Hii itakuwa ni album ya pili kwa msanii Harmonize baada ya ile ya kwanza “AFRO EAST” aliyoiachia mwanzoni mwa mwaka 2020.

Msanii huyo amekuwa akifanya vizuri kutokana na ubora wake kwenye muziki wa Bongo Fleva toka ajitoe kwenye lebo ya Wasafi chini ya mwanamuziki Diamond Platnumz.

Mwanamuziki huyo amewataka mashabiki wake kukaa mkao wa kula kuingojea albam hiyo kwani amekidhi kiu ya mashabiki kutokana na ubora wa albam hiyo.