Mwanamuziki wa Bongo fleva, Harmonize amesema kuna vijana wengi wanamfuatilia hivyo ni jukumu lake kuhamasisha suala la usafi jijini Dar es Salaam.

Harmonize amempongeza pia Rais Samia Suluhu Hassan kwa jitihada anazo fanya ili kuifanya Tanzania kuwa bora.

Harmonize ambaye ni Balozi wa Usafi na Uhifadhi wa Mazingira Mkoa wa DSM, ameyasema hayo mbele ya Mkuu wa Mkoa wa DSM, Amos Makalla wakati wa uzinduzi wa kampeni ya usafi.

“Ningependa kuwahimiza vijana kwamba usafi ni suala letu la msingi, na najivunia kuwa kati ya vijana wanaohimiza usafi kwani ni haki yetu ya msingi” Harmonize.

Mbali na Harmonize, Wasanii wengine waliojitokeza katika uzinduzi wa Kampeni hiyo ni Alikiba, Steve Nyerere pamoja na Viongozi wengine wa Kiserikali wakiwemo Wakuu wa Wilaya.