Mwanamuziki wa Bongo Fleva, Harmonize amesema kuwa Diamond Platnumz amechangia kwa kiasi kikubwa ngoma yake ya Kwa Ngwaru kuweza kufika mbali zaidi.

Harmonize amesema hayo baada ya wimbo huo kufikisha views milioni 10 katika mtandao wa YouTube kwa kipindi cha mwezi mmoja na kuwa msanii wa kwanza kutoka Tanzania kufanya hivyo.

Harmonize amemshukuru mwanamuziki Diamond kutokana na ushirikiano anaompa kwenye muziki wake na Sanaa kwa ujumla.

Mwanamuziki huyo amesema kuwa Diamond amechangia hayo kwasababu anaamini kuwa kuna sehemu muziki wake haujafika,ila kwasasa umefika kupitia Diamond.

Kwa Ngwaru ni wimbo wa pili kwa Harmonize kufanya na Diamond Platnumz baada ya kutoa wimbo unaokwenda kwa jina la Bado uliotoka miaka miwili iyopita.