Mwanamuziki wa Bongo Fleva, Harmonize leo rasmi ameachia wimbi wake uitwao ‘Attitude’ aliomshirikisha H Baba na mwanamuziki kutoka DR Congo, Awilo Longomba.

Harmonize siku ya Jumatano alitangaza kupitia ukurasa wake kwenye mtandao wa Instagram ukionyesha cover la wimbo huo na wasanii aliowashirikisha.

Mbali na Longomba pia katika wimbo huo yupo  msanii wa siku nyingi anayeimba muziki wa Bolingo, H.Baba.

Harmonize ametumia nafasi ya Awilo kuwepo nchini akiwa anarekodi filamu ya ‘A life to Regret’ kufanya shughuli hiyo.

Mbali na Harmonize, Awilo alieleza kuna wasanii wengine ambao ataingia nao studio ambao hakuwa wazi kuwataja.