Mwanamuziki wa Bongo fleva, Hakeem 5 amesema hawezi kumuomba Ali Kiba msamaha kwa kuwa hajafanya kosa lolote na alichoongea kuwa Ali Kiba anaroho mbaya aliongea ukweli.

Msanii huyo amesema anaweza kuishi akiwa anafanya muziki na hata  asipofanya hivyo anaweza akaishi hivyo hawezi kwenda kumuomba Kiba msamaha kwa kuwa yeye hakutaka kufanya kolabo na Kiba ila Kiba ndiye alimuomba wafanye kolabo.

Hata hivyo Hakeem 5 hakusita kumjibu Abby Skills na kumuambia kuwa aache unafiki na aendelee na mambo yake kwani hajui chanzo na angekuwa anataka amani angekaa akawapatanisha kama ndugu na siyo kukaa na kuanza kumkandamiza kwenye vyombo vya habari.

Kauli hiyo ya Hakeem 5 inakuja baada Alikiba na Abby Skills kusema kuwa wanamatatizo na msanii huyo na kumtaka amuombe msamaa Alikiba.