Mwanamuziki wa hip hop nchini Uganda, GNL Zamba amemshambulia kwa maneno rapa wa Marekani Kanye West ambaye yupo nchini Uganda kwa ziara maalum.

Kanye West ambaye kwa sasa yupo nchini Uganda pamoja na familia yake kwaajili ya kukamilisha Album yake ya Yandhi na kumuita Kanye West mbinafsi.

Kupitia akaunti yake ya mtandao wa kijamii mwanamuziki huyo ameandika kuwa anachokifanya mwanamuziki huyo si kitu kizuri kwa kugawa viatu wakati watu wa Uganda wanataka maji.

Zamba amesema kuwa watu wa Uganda wanahitaji maji na sio viatu aina ya Yeezy alivyovitoa Kanye West kwa Rais Museveni alipotembelea Ikulu ya Entebe.

Kanye West alitembelea moja ya kituo cha watoto yatima nchini humo na kugawa viatu aina ya ‘Yeezy’ kwa watoto hao na kuelezwa kuwa thamani ya idadi ya viatu alivyovitoa Kanye vinafikia thamani ya zaidi Tsh. Millioni 500.