Mwanamuziki wa Bongo Fleva, Gigy Money amefunguka na kudai kuwa anajutia matendo yote aliyofanya kipindi cha nyuma na anatamani ayafute ila haiwezekani.

Gigy Money ambaye ni video queen Bongo alianza kupata umaarufu wake kutokana na umbo lake lilivyokuwa kubwa hasa makalio pamoja mavazi yake.

Gigy ameonyesha kujutia yale yote aliyoyafanya siku za nyuma ili kupata umaarufu ambao kwasasa ameupata kutokana tabia yake hiyo.

Pia Gigy  Money amesema kuwa anaamini alichofanya hakikuwa sahihi hivyo kuwataka watu kuyaacha yale mabaya aliyotenda badala yake  kuyaangalia mazuri pia ambayo ameyafanya kwani na yeye ni binadamu hajakamilika.

Gigy Money alifunguka hayo na kuwataka wanafunzi waangalie na wafuate mazuri aliyofanya na waachane na mabaya yake kwani anajutia.